Folk Literature of the Sephardic Jews Multimedia Digital Library

Formatted Transcription

Play Audio for this Transcription Download MP3 Audio File TEI Original

Polo canción. inf1 Pensativo estaba'l Polo, malo y de melanconía. Que lo que gana en un año, todo se le iba en un día. En comidadh y en gayinas y en amigas que él tenía. Fuérase a la mar salada por dar descanso a su vida. Vido veni[r] un pajesito, que de en ca del rey venía. -- Por tu vida,'l pajesito, si Dios te guarde a tu amiga. Que si [ repite ] Que si la tienes en Fransia, Dios te la traiga a Almería. Que si la tienezz empreñada, Dios te la renovaría. -- Por tu bien hablar, el Polo, un cuento te contaría: "Que se pensaba la reina que honrada hija tenía. Con ese conde Berzhico, trezz veses parida había. Y el que en el cuerpo tiene el de los cuatro sería. Desiánselo a la reina, la reina no lo creía. Cobizhóse en mantón de oro, fu'a ver si es verda[d] o mentira. -- En buena hora'stés, la ifanta. -- Bien vengadei, madre mía. -- ¿Qué de son estas vozzes que oigo yo por la vía? Ay, hija, si tú estás libre, reina serás de Castiya. Ay, hija, si no lo estare[s], en mal fuego estás ardida. -- Eyadh en estas palabra[s], los dolores la darían. Colores de la su cara se la iban y la venían. -- Perdón, perdón, la mi madre, me voy a subir arriba. Madre, sení muncho anoche, tengo dolor de barriga. -- Entre armenadh y armena[s], un niño la nasería. Envorvióle en seda y grana y asomóse a la ventana. Vido venir a Berzhico, la prenda que biene amaba. -- Toma, Berzhico, a este niño, a este niño que ha nasido. -- El que te cría los tres el de los cuatro sería. -- Y a la salida del palasio con el buen rey se encontrara. -- ¿Qué yevas ahí, Berzhico? ¿Qué yevadh en esa halda? -- Yevo y almendritas dulse[s] para las embarasada[s]. -- comentario inf1 Va. Y va y pártelo y tómalo. corte de cinta comentario Samuel G. Armistead "Almendricas verdes". corte de cinta canción Eyodh en estas palabras, lo de la falda yorara. -- No yevadh tú almendrita, gran traisión traedh armada. Mañanita por mañana, tú te cazzas con la infanta. -- Y otro día en la mañana, la ricas bodas se arma[n]." comentario inf1 Pártelo'n tú, Sol. corte de cinta