Folk Literature of the Sephardic Jews Multimedia Digital Library

Formatted Transcription

Play Audio for this Transcription Download MP3 Audio File TEI Original

Infantina canción.inf1 A casa iba el cabayero, a casar como solía. Los perro[s] le iban siguiendo y el arco perdido había. Donde le cogió la noche y en una escura montiña, donde canta la leona y el león la respondía, donde cae la nieve a copos y corría el agua fría. Y en el pimpoyo mázz alto vido estar a una infantita. Cabeyos de aqueya niña todo aquel álbo[l] cubrían. Los ojos de aqueya niña la montaña esclandesían. -- ¡Ay! ¡Válgame Dios del sielo! ¿Qué edh esto que yo veía? ¿Si son ángeles del sielo o es persona nasida? -- Como voi soy, cabayero, como vodh yo fui nasida. Y estas fadas me fadaron y en halda de una mi tía, que me quede siete años y en esta escura montaña. Hoy se cumple los siete año[s], a mañana al mediodía. ¡Por su vida, el cabayero, yevéisme en su compañía! O yevéisme por mujer o yevéisme por amiga o yevéidhme por esclava, os sirveré toda mi vida. -- Por mujer, la mi señora, por mujer la más querida. Madre vieja tengo en casa, su consejo tomaría. -- Dio vuelta'l cabayero. [.....] Su padre y sus siete hermanos en su búsqueda salían. Siete duques la demandan y un rey que más valía. Dio vuelta el cabayero, no hayó roble ni niña. -- Prenda que t'hablo ... [ se corrige ] de mis manos perdí, ¿qué castigo meresía? Que me amarren piedh y mano[s] y me arrastren por la vía. comentario inf1 La perdió. corte de cinta