Transcription

Formatted Transcription

Play Audio for this Transcription Download MP3 Audio File TEI Original

Ballad Title Not Yet Identified canción.inf1 Doloris tiene la reina y doloris de parir tieni. -- ¡Y quién estuviera pariendo en el saray de[l] rey, mi padre! ¡Y quién tuviera por vesina a la reina, la mi madri! Qui mi yame a la comadri y qui me dé un poco d'agua. -- Va en buena hora, mi'l muera, a parir ande'l tu padri. Si es por vuestro marido, gayinicas a almozzare. Y si es por el beigabayo, [ no entiendo ] carni molida comeri. -- Quida en buena hora, mi sjuegra, qui yo mi vo ande'l mi padri. -- En entrando di la puerta y las dolores la arrezziaron. Y un buen hizho vos paría. A la tarde vino el bue[n] rey: -- Y vos diré, la mi madri, a todos veigo in medio, a la mi dama no veigo. y a la mi dama no veigo. -- Y ti vo dezzir, el me hizho, qui si fue ande'l su padre. -- A mí mi yamó puta viezha y a ti, hizho del mal padre. -- A esto que sintió el buen rey, una ispada desvainada. Si fue a matar a la muzher y en subiendo la'scalera, un saludo resebía: -- Simán bueno os sea, yerno, el hizho que mos ha nasido. -- Vini a [ se corrige ] ¿Ánde está la su hizha? qui vini para matarla. A mi madri yamó puta viezha y a mé, hizho del mal padri. -- Si tal jaber eya tinía, y d'esta cama no s'al[e]vante. corte de cinta