Transcription

Formatted Transcription

Play Audio for this Transcription Download MP3 Audio File TEI Original

Rey Fernando en Francia conversación inf1 Un momento. canción. inf1 Rey Fernando, rey Fernando, de Seviya y de Aragón. Y al pasar por los franseses, dentro de la Fransia entró. Hayó la Fransia revuelta, no hubo quien la apasiguó. Y a su hermano don Alfonso y a prisiones le mandó. Después de estar aprisionado, mandó a soltar un pregón: "Todo quién por él hablare, su cuerpo estara en prisión. Sea monja, sea fraile, le quitan su religión." Oyéndolo está su hermana, doña Elvira, antes del sol. Quitóse ropa de siempre, de la Pascua se vistió. Con siento de sus donseyas, dentro de la corte entró. -- Buenos días, rey Fernando, mi hermano y mi señor. Cuando yo era chiquita, me at ... [ se corige ] otorgates dar un don. Yoraba y no me cayaba, me otorgates dar un don. -- Metió mano él a su bolsa y un don de oro la sacó. -- No quiero ningún don de oro, muchos de eyos tengo yo. -- ¿Quieres Seviya o Granada o Toledo y Aragón? -- No quiero siudad ninguna, todas a mi mando son. Lo que quiero es a mi hermano sano y libre de prisión. -- El otro día en la mañana, la cabesa le cortó. corte de cinta