Title: Tamar y Amnon (14) canción. inf1 Un hijo tiene el rey David, que por nombre Ablón se yama. Enamoróse de Tamar, aunque era su propia hermana. Fuertes fueron los amores, malo cayó y echado en cama. Un día por la mañana, su padre a verle entrara. -- ¿Qué tienes y tú, Ablón, hijo mío y de mi alma? -- Malo estoy yo,'l rey, mi padre. Malo'stoy yo y no como nada. -- ¿Que comerás tú, Ablón, pechuguita de una pava? -- Yo la comeré, el rey, mi padre, si Tamar me la guisare. -- Yo se lo diré a Tamar que te la guise y te la traiga. -- Si fue cosa que viniere, venga sola y sin compaña. -- Eyos en estas palabras, Tamar por la puerta entarara. -- ¿Qué tienes y tú, Ablón, hermano mío y de mi alma? -- De tus amores, Tamar, me trajeron a esta cama. -- Si de mis amores'tás malo, no te levantes de esta cama. -- Tiró la mano a su pecho, y a la cama la arrojara. Siete gritos diera Tamar que al sielo le atronaran. Bajara las escaleras, como una leona brava. Y en mitad de aquel camino, con Absalón se encontrara. -- ¿Qué tienes y tú, Tamar, que te veo mal airada? -- Con el quitado de Ablón, me quitó la honra y la fama. -- No se te dé nada, Tamar, que tú serás la bien casada. Mañana por la mañana, su sangre será vertida y tú, mi querida hermana, tu honra será vengada. corte de cinta

Play Audio for this Transcription Download MP3 Audio File Formatted Transcription TEI Original