canción. inf1 De Burlos paltió el rey, de Burlos de Salamanca. Y en mitai de aquel camino, del sielo cayó una calta. -- Alsadla, mis cabayero[s], leidla muy bien notada. -- Vuestra es, mi señor, vuestra, que para vos es mandada. Que malo estaba ese rey, ese rey de Salamanca. Malo está de calentura y otro mal no se le añada. -- Mandaron por los doctore[s], doctores de toda España. Uno[s] le miran el pulso y otro[s] le miran el agua. Todos dithen a una voth: "Mi señor no tiene nada". Sinon por el má[s] chiquito, que Seba[s]tián se yamaba, de rodiyas en el suelo, el pulso le demandara. -- Perdón, perdón, mi señor rey, por esta triste palabra: Tres horas quedan de vida, una y media ya es pasada. -- Como es'oyera su ma ... [ se corrige ] su padre, las manos alsó a la barba, las manos alsó a la barba, pelo en eya non dejara. Eyos en estas palabra[s], su madre por ahí entrara. -- ¿Y dónde estaba, la mi madre, mi madre y mi siempre amada? -- Rogando iba a Dios del thielo que troque alma por alma. -- Tarde recordastis, madre, que la setensia ya e[s] dada. Tres horas quedan de vida, una y media ya e[s] pasada. -- Como eso oyera su madre, las manos alsó a la cara. Las manos alsó a la cara, cuero'n eya non dejara. Y eyos en esta[s] palabra[s], su esposa por ayí entrara, toda vestida de negro y una sinta en su garganta. -- Y apartad, condes y duque[s], pasar a esta desgrasiada. Por ésta se ha de desir: "Antes viuda que casada". -- Y a todo esto, mi madre ... fin de cinta

Play Audio for this Transcription Download MP3 Audio File Formatted Transcription TEI Original