Vos labraré un pendón title: Vos labraré un pendón canción. inf1 El que por amores cazza su vida vive con dolor. Así hizzi yo, mesquino, por amores cazzíme yo. ¡Ay! Me cazzí con una galana, hija era de[l] rey mi señor. Eya era mujer bien puesta, yo era un hombre gastador. ¡Ay! Gastí midh hazzienda[s] y suya[s], cuantas trujo y tenía yo. Y ahora, por mis pecado[s], me volví un hombre apropiador. -- ¡Ay! Mientras yo apronto las viñas, mujer, enchercádmelais vos. -- No puedo, no, señor, ni sabo, mi padre no me lo enseñó. ¡Ay! Mis manitas tengo y blancas, yo me las quemaré al sol. Is, traí[s]me oro y seda, yo vos labraré un pendón. Is, traídhme oro y seda, yo vos labraré un pendó[n]. Cuando le saquéizz en venta, no digáis quién vos le labró. ¡Ay! ¡No lo vaya a oyer mi padre y viva con dolor! ¡No lo vaya a oyer mi madre, la dé pelisco al corasón! -- Y otro día en la mañana, el pendón al delal [ subasta ] salió. Unos daban sien ducado[s] y otros daba[n] siento y dos. ¡Ay! Dizzen unos a lozz otros: -- ¡Ay! Bendita la que tal labró, que con labor de sus manos a su marido ensharsó. corte de cinta

Play Audio for this Transcription Download MP3 Audio File Formatted Transcription TEI Original