inf1 La empiesa. inf2 Ya la empieso. canción. inf1 DJuliana [e]n su castiyo con el morito Galiane juegando iban a los dado[s] por de más gusto tomare. ¡Ay! De que Juliana juega, gana una siudas y máse. De que el morito perdía, las mano[s] la iba a besare. En falda de Juliana, el moro vensido cae. -- Y arso los ojozz ar sielo cuanto y má[s] los pude alsare. ¡Ay! Por aquel lugar de arriba, un paje yo vi asomarse. Descalso viene, descalso, de sus uñas corren sangre. Su cabeyo a la sintura que paresía un salvaje. ¡Ay! Comiendo la yerba verde, bebiendo agua de un charcale. -- ¡Arriba, Carmel, arriba! ¡Arriba, comerás carne! Comerá[s] a ese salvaje, que anda por esos lugare[s]. -- No soy salvaje, señora, ni lo traigo en mi linaje. Siete año[s] hasen, siete, que ando por esto[s] lugare[s] en busca de Juliana, hija del rey don Lushgare, que era mi enamorada desde el vientre de su madre. -- Y como eso oyóDJuliana, sentárase a yorare. Lágrimas de los sus ojo[s] en fases del moro caen. fin de cinta. continúa en el archivo ta55a-1

Play Audio for this Transcription Download MP3 Audio File Formatted Transcription TEI Original