Pájaro verde canción. inf1 En la siudad de Madrid, se cría una hermosa dama. Y eya no tenía padre, pero poco la faltaba. Eya tenía un padrastro que igual que hija la trataba. No la casan porque es joven, sino un pariente la guarda. Frente de su casa vive, [e]l joven de la buena grasia. Tanto es como se quiere[n] que al fin no hay quien lo rompa. Un día se ven a solas por una baja ventana. Y el joven la dise: -- Niña, tengo una pena en el alma. Que tu tío te ha pedido, hombre de gran importansia. -- No te dé nada, mi vida no te dé nada, mi alma. Basta que tú seas hombre para cumplir tu palabra, que yo también seré mujer para salir de mi casa, con lo poco que tú tengas y lo mucho que yo traiga. Las hasiendas de mi padre no me las puede negare. -- Y el joven se fue contento y la dama, muy consolada. Se lo disen a su tía y en chansa se lo yevara. -- ¿Qué tienes, hija? -- le dise -- ¿qué tienes, hija del alma? Te casarás con tu tío, hombre de gran importansia. -- Dejéisme, tía, por Dios, dejísme, tía del alma, que yo no salgo de esta sala si no salgo amortajada. -- Abajó las escaleras como una leona brava. Que de tíos y parientes armara una grande escuadra. ¿Dónde la fueron a haser? Donde el joven trabajaba. Le piyan descuidadito, le dieron tres puñaladas. Ya repican las campanas, campanas de sentimiento. -- ¿Quién se ha muerto, quién se ha muerto? -- El joven de la buena grasia. -- De sus cabeyos se tira, de sus cabeyos se arrastra. Y un puñal enardesido y en su pecho'squierdo pasa. Ya los yevan a enterrar juntitos en una caja. Y él paresía un clavel y eya, una rosa temprana. comentario inf2 Bonito ... corte de cinta

Play Audio for this Transcription Download MP3 Audio File Formatted Transcription TEI Original