comentario. el inf. parece estar leyendo un texto inf1 Los hombres de buena fe se deperdieron, aqueyos que eran animados por sus buenas obras, barraganes en vertudes que repushaban las malas setensias. Eran para nosotros forteresa y abrigo en tiempo de desgrasia. Calmaban la rabia del Dio con sus orasiones y su saña, con sus esclamasiones. En el momento que te yamaban, tú los respondías. Sabían orasionar y afalagar. Por sus merito[s] nos apiadabas como un padre, no nos tornabas en vazzío. Por nuestros delitos, los perdimos. Por nuestros pecados, desparesieron. Eyos partieron al repozzo eterno y non dejaron [ se corrige ] y nos dejaron suspirando. Se atemaron los guadradores de la ley que hazzían calmar tu ira. Vayientes en hora de muestra [ se corrige ] de angusia, no más tuvieron diño[s]. Diños por afalagar, no hay. Busquimos por toda las cuatro partes, remedio non tupimos. Nos aderesimos a ti demandando por tus mersedes. corte de cinta

Play Audio for this Transcription Download MP3 Audio File Formatted Transcription TEI Original