title: Robo de Dina (62) recitado. inf1 Se patzean las dozhe flores y entre medio una conzhá. Disho la conzhá a las flores: -- Hoy ezz día de pasear. -- Se pasea la linda Dina por los campos del rey JJebró. Con favor de sus dozhe hermanos, se pasea sin temor. A solombra de tezhado, que no la'mpaña el so[l]. Por ahí pasó un muchachico, Shején, hizho de[l] rey Jebró. Se ayegó para eya, tres palabricas le habló: -- Linda sosh, la linda Dina, como's la luna y el sol. Lindos son güestros hermanos, mas que vosh yevásh la flo[r]. -- Son lindos o no sen lindos, ansí me los guadre el Dio[s]. -- Ayegóse para eya, hizzo lo que no es razzó[n]. Se esparte la linda Dina, se va a'onde el su señor. -- ¿D'a'ónde venísh, linda Dina? ¿De a'ónde venísh vosh, mi flor? ¿Quién te demudó la cara? ¿Quién te debozzeó la colo[r]? ¿Te la demuló el aire? ¿Te la empañó el so[l]? -- No me la demudó el aire ni menos me empañó el sol, solo un muchachico, Shejjén, el hisho del rey JJebrón. -- Yoraba la linda Dina lágrimas de corasó[n]. -- No yores tú, mi querida, no yores tú, mi flor. Venga Yuda, tu hermano, todo se lo conto yo. -- Estas palabras dizziendo, Yuda que ya yegó. -- ¿De qué yorash, linda Dina? ¿De qué yorash, mi janún? -- Yoro [ se corrige ] El padre saltó y le disho: -- Ven, te contaré yo: la manchó un muchachico, Shején, hizho del rey Jebró. -- Por esta estapada me corte, si no destruigo Jerbrón. -- Ya se subió al cabayo y el muy bueno se armó. Las puertas topó serradas, entrada no topó. Con un grito de su boca, la muraya derrodó. El pueblo echan gritos: -- ¿Qué es esta destruisión? ¿Quién mos quiere atacar y quién mos quiere romper el [ se corrige ] la honor? -- Es todo culpa'e Shején, el hizho del rey Jebró. -- El padre lo dio en sus manos: -- Hazzelde de él lo que querésh vos. comentario Samuel G. Armistead Muy bien. Joseph H. Silverman Muy bien. corte de cinta

Play Audio for this Transcription Download MP3 Audio File Formatted Transcription TEI Original